Mae’r Dramffordd bellach ar agor!
Tramffordd y Gogarth ydi’r unig system dramiau cebl ar ffyrdd cyhoeddus ym Mhrydain. Mae hi wedi bod yn swyno ymwelwyr ers iddi agor ym 1902.
Mae’r dramffordd yn dringo i fyny rhyw filltir (1500 metr) i Barc Gwledig a Gwarchodfa Natur y Gogarth, ac ymlaen at y copa bendigedig. Dyma gyfle i brofi ffordd o deithio sy’n fwy na chan mlwydd oed, a hynny yn y cerbydau gwreiddiol, pob un wedi ei adnewyddu’n ofalus a’i enwi ar ôl sant.
Mae’r daith unigryw yn cychwyn yng Ngorsaf Victoria sydd dafliad carreg o lan y môr Llandudno a’r pier.
Mae harddwch deinamig, hanes cyfoethog ac ysblander naturiol y Gogarth yn gwneud taith yno yn werth chweil.
Gostyngiadau arbennig ar gael ar gyfer Ysgolion a Grwpiau o 10 neu fwy.
Dewch i weld sut mae pobl wedi teithio ers can mlynedd a mwy ar dramffordd unigryw a hanesyddol Llandudno.
